Cyfle i fod yn Olygydd ar Gwerddon
Mae Gwerddon yn chwilio am Olygydd i olynu yr Athro Anwen Jones.
Y Golygydd sy’n bennaf gyfrifol am wneud penderfyniadau golygyddol yn seiliedig ar bolisïau’r Bwrdd Golygyddol, ac am arwain y tîm golygyddol (sy’n cynnwys yr Is-olygydd a’r Cynorthwywyr Golygyddol).
Bydd dyletswyddau penodol yn cynnwys:
Goruchwylio'r broses o gywain erthyglau i'r cyfnodolyn;
Llywio cynnwys rhifynnau arferol ac arbennig drwy dderbyn erthyglau a rhoi cychwyn ar y broses arfarnu;
Golygu pob erthygl a dderbynnir wedi iddynt gael eu harfarnu gan sicrhau i awduron yr erthyglau ddilyn y confensiynau golygyddol;
Cyfathrebu gyda'r awduron wedi derbyn yr arfarniadau;
Tasgau golygyddol cyffredinol eraill yn ôl yr angen.
Bydd tymor y swydd yn bum mlynedd gan ddechrau ar 1 Ebrill 2027. Rôl ddi-dâl yw hon ond telir costau rhesymol (e.e. teithio).
Gellir gwneud cais drwy anfon llythyr a CV yn electronig at gwybodaeth@gwerddon.cymru erbyn 17:00, dydd Mercher, 9 Rhagfyr 2027. Cynhelir cyfweliadau ar-lein ym mis Ionawr 2027.
Gweler rhagor o wybodaeth yn y ddogfen isod, a dylid anfon unrhyw ymholiadau at gwybodaeth@gwerddon.cymru.